بھرجائیاں رانجھے دیاں تنگ ہو کے
خط ہیر سیال نوں لکھیا ای
ساتھوں چھیل سوادھ ونڈائے ستی
لوک یاریاں کدھروں سکھیا ای
دیور چن ساڈا ساتھوں رُس آیا
بول بول کے کھرا تِرکھیا ای
ساڈا لال موڑو سانوں خیر گھتو
جانو کملیاں نوں پائی بھکھیا ای
کڑیئے سانبھ ناہیں مال رانجھیاں دا
کر ساردا دیدڑا ترِکھیاای
جھٹ کیتیاں لال نہ ہتھ آون
سوئی ملے جو توڑدا لکھیا ای
کوئی ڈھونڈ وڈھیرڑا کم جوگا
اجے ایہہ نہ یاریاں سکھیاای
وارثؔ شاہ لے چھٹیاں دوڑیائی
کم قاصداں دا میاں سکھیائی
