دن لمے جے کرناں دے وی ہوندے نیں
ساہ کیوں تھوڑے بدلاں دے وی ہوندے نیں
صفت ہوئے پتھراں چوں چشمہ پُھٹ پیندا
جثے نرم تے سپاں دے وی ہوندے نیں
راہ وچ کجھ تے اوکڑ ہندی سفراں دی
کجھ پتھر تے لیکھاں دے وی ہوندے نیں
آہلنیاں دی راکھی جے نہ کر سکن
ویہڑے خالی رُکھاں دے وی ہوندے نیں
کیوں پرچھا نویاں وچ حیاتی لبھدے آں
کجھ پرچھانویں قبراں دے وی ہوندے نیں
زاہد رنگاں دی اصلیت پرکھ ذرا
رتے منہ تے کنڈیاں دے وی ہوندے نیں
