تارے نھیرے وچ کفنا کے سوندے نیں
لوکی خواب وی دب دبا سوندے نیں
سورج توں وی لوری دی فرمیش کرن
اوہ فجر نوں نال سواں کے سوندے نیں
مست کرن لئی اندر والے سپاں نوں
اٹھویں سُر دی بین وجا کے سوندے نیں
ستیاں ہر پل روپ وٹایا جاندا نئیں
اس لئی اپنے مکھ لکا کے سوندے نیں
اج کل نیند پیاری اینی لوکاں نوں
گھر نوں باہروں جندرے لا کے سوندے نیں
راتیں وی نئیں گھٹدا سیک اس دھرتی دا
تاں پرچھاویں ہیٹھ وچھا کے سوندے نیں
