ساہنوں وی کُجھ دَسو
اینا پانی کِتھوں آندا اے
اَکھاں پِچھے بَہ کے اینے
اتھرو کون بناندا اے؟
کون اے جہڑا رووَن دی
تربیت کردا رہندا اے
کہڑا دَسدا اے نویں طریقے
اینے سُمکے مارن دے
کِتھوں ٹھیکے لے لیندے او
اتھرو خوب کھلارن دے
ساہنوں وی کُجھ دَسو اینے
مہنگے بیڈ تے سوں کے وی
سُفنے کیویں آ جاندے نیں
بھکھے نَنگے لوکاں دے
کیویں چیتے آجاندے نیں
اجڑیاں ہوئیاں جھوکاں دے
پِنڈ پِنڈ دا حال سنا کے
پہلے خوب رواندے او
ساڈے اگے لالچ والا
جال وچھائی جاندے او
ساہنوں درس توکل والا
آپے انھی پاندے او
ہَٹی نُوں چمکاندے او!