سوچاں دے وچّ تکّ لئے کِنے چہرے میں
جیہڑے نہیں سی لبھدے آپے گھیرے میں
کدی تے سورج موڈھے آن کھلووے گا
جپھیؤں جپھی ہوواں نال ہنیرے میں
کوئی ہلا نہ سکیا سوچ زنجیراں نوں
اِنج لئے نے کئی چنتا دے پھیرے میں
چٹے ناگاں نوں وی کوئی کیلے گا
ڈٹھے پھردے شہراں وچ سپیرے میں
جد وی کدھرے گلّ ہوئی ونگاری دی
چیتے رکھے اکھراں وچّ پسیرے میں
کوئی ساہواں دی یاری توڑ نبھاؤندا نہیں
اکبر چھجّ پا چھنڈ لئے یار ودھیرے میں
