دل عشق نے بہت بے قرار کیتا
نعت نبی دا جد وچار کیتا
اوہ اکھ نہ کدی بے نور ہوسی
طیبہ نگری دا جس دیدار کیتا
کدوں آوے بلاوا مدینے دے لئی
میں دم دم دے نال انتظار کیتا
ہو گیا لباں تے اس دا درود جاری
یاد نبیؑ دی جد بے قرار کیتا
ویکھ ویکھ روضہ رجن اکھیاں نہ
اوتھے رہن نوں دل اصرار کیتا
رب راضی اے اوس تے جس بندے
نام نبی ؑ تے گھر نثار کیتا
کراں میں وی تاں اس نوں پیار امجد
جنہیں سوہنے نبیؑ نال ای پیار کیتا
