پَوناں دے پنکھیروا
اَج پنکھ میرے وَل موڑ
میرے پِپل ہریاں پتّیاں
میرے رُکھیں ساوا بُور
میری ٹاہنی نِکّا آہلنا
میرا ساون نِکّا پُھوہر
اَج رُتاں چڑھیاں رنگینیاں
تے باگِیں چڑھیا لوہڑ
پَوناں دے پنکھیروا
اَج پنکھ میرے وَل موڑ
پت جھڑ جھڑ جان گے
رُکھیں پے جائے کھوڑ
لگریں پے جان کھلّیاں
ٹاہنی نُوں مچکوڑ
کنیں چِھنجے عُمر دی
بُھنگا ہوجائے بوہڑ
پَوناں دے پنکھیروا
اَج پنکھ میرے وَل موڑ
حوالہ: نویں رُت؛ ( ویکھو )
