وَنڈ دے ویلے ماتم انج دا ہویا اپنی دھرتی تے
بھئیں کے مُڑ نئیں ڈھول خُشی دا وَگیا اپنی دھرتی تے
آپ اساں مہاراج بَنا کے سِر تے چاڑ بہایا اے
جہڑا کوئی وی مارݨ آیا ڈاکا اپنی دھرتی تے
اُتے رقعہ ممبر دا تے تَلّے دَتھی نوٹاں دی
کہڑا کم اے ہو نئیں سگدا جہڑا اپنی دھرتی تے
جھبدے دور بھُلیکھا ہوسیں ظالم قبضہ گیراں دا
جیندیاں جی نہ چلݨ دیساں سِکا اپنی دھرتی تے
چانݨ جِس دا راہ تے لیسیں اُڑکے تھُڑکے راہیاں نوں
عاقبٓ انج دا بال کے جاساں ڈیوا اپنی دھرتی تے
