دل دے زخم لکوندے رہِ گئے اہ تے میں

See this page in :  

دل دے زخم لکوندے رہِ گئے اوہ تے میں
کلیاں بہِ بہِ روندے رہِ گئے اوہ تے میں

اچن چیتی ویلے وتھاں پا دتیاں
نیڑے ہندے ہندے رہِ گئے اوہ تے میں

پھیر نا مڑکے آئیاں رتاں پیار دیاں
راہواں ملّ کھلوتے رہِ گئے اوہ تے میں

دل دی پیلی دے وچ وتر آیا نہیں
کھوہ نیناں دے جوندے رہِ گئے اوہ تے میں

روز دلاں دی کلر کھادھی دھرتی تے
بیج وفا دے بوندے رہِ گئے اوہ تے میں

جھلنی پے گئی آصف ہار نصیباں نوں
ہنجھو ہار پروندے رہِ گئے اوہ تے میں

آصف راز دی ہور شاعری