دھن زمیدار اے جو سرگھی دے ویلڑے اٹھ کے تے دھرتی دے سینیاں نوں پاڑدا تے روزیاں نوں بھالدا دھن زمیدار اے جو پوہ دیاں پالیاں چ کٹ کے انیندرے تے ٹھڈھے سیت پانیاں نوں گوڈیاں چ لے کے نہر دیاں پانیاں دی واری نہیں گھساوندا دھن زمیدار اے جو چڑیاں کبوتراں ایہ کیڑیاں مکوڑیاں تے منگتے میراثیاں نوں چوگ ورتاوندا دھن زمیدار اے کرے جو حساب پورا کہیاں شہیاں ماریاں دا گھاٹیاں دے سودے اوہندے پلے نیں جماندرو دھن زمیدار اے جو اکا نہیوں بولدا آپ اتے ہوندے ہوئے وادھیاں ودھکیاں تے ہاڑیاں تے ساونیاں نوں لے گئے وپاریاں دے کھاتیاں چ لکھیائے ایدکیں وی مول تے ویاج اوہندے سر تے
