گھولن وِساں لوکی شہراں، باراں دے
سپاں جہے کردار نیں ایتھے یاراں دے
ہُن تے اِس وستی دا ربّ ای راکھا اے
نیتاں دے وِچ کھوٹ نیں پہرے داراں دے
جاون والے نیندر نال ای لے گئے نیں
اکھیہاں وچ جگراتے نیں دلداراں دے
کِنیاں سُچیاں چُنیاں پَیریں رُلیاں نیں
شملے مڑ وی اُچے نیں سرداراں دے
ویر کرودھ تے نفرت اَتاں چائیاں نیں
کد آون گے خورے موسم پیاراں دے
بے فیضاں چوں کیہ لبھدے او اعظم جی
اکاں تے نئیں لگدے پُھل اناراں دے
حوالہ: سائیں سنیہڑے گھلے، اعظم ملک؛ سانجھ؛ صفحہ 25 ( ویکھو )
