سُن دا کدوں، سُنان دی کردا
آ جاوے تے جان دی کردا
بیٹھا وی اوہ بُھنجے رہندا اے
گل ستویں اسمان دی کردا
اوہدا نانواں لِکھ لِکھ ڈھاواں
جو رُوح وچ سمان دی کردا
میں وی اوہنوں لبھ کے رہنا
جیہڑا چُھپن چھپان دی کردا
اوہ کوئی عزرائیل تے نہیں نا
گل کیوں جِند لے جان دی کردا
میں اوہدا دل رکھدی پِھر دی
اوہ میرا دل ڈھان دی کردا
بیا گل رحمان دی کردی
اوہ چندرا شیطان دی کردا
حوالہ: اپنے توں ڈر لگدا ( ویکھو )
