اَج دولتاں ساڈے گھر آیاں نیں

لمّی رات سی درد فراق والی
تیرے قول تے اساں وساہ کر کے
کوڑا گُھٹ کیتی مِٹھڑے یار میرے
مِٹھڑے یار میرے، جانی یار میرے
تیرے قول تے اساں وساہ کر کے
جھانجراں وانگ زنجیراں چھنکائیاں نیں
کدی پیریں بیڑیاں چائیاں نیں
تیری تاہنگ وِچ پٹ دا ماس دے کے
اساں کاگ سدے تے سنیے گھلے

رات مُکدی اے یار آوندا اے

اساں تکدے رہے ہزار ولّے
راہ تکدیاں عمراں لنگھ گیاں
کوئی آیا نہ بناں خنامیاں دے
کوئی پُجا نہ سوا الاہمیاں دے

اَج لاہ اُلاہمڑے یار میرے
مِٹھڑے یار میرے جانی یار میرے
اَج آ ویہڑے وِچھڑے یار میرے

فجر ہووے تے آکھیے بِسم اللہ
اَج دولتاں ساڈے گھر آیاں نیں
جیہدے قول تے اساں وساہ کِیتا
اوہنے اوڑک توڑ نبھائیاں نیں