جیہڑے بوہتا پیار جتاون والے نیں

جیہڑے بوہتا پیار جتاون والے نیں
اُتوں سوہنے اندروں دل دے کالے نیں

رات ہنیری دے وچ چانن ہویا نہیں
میں تے اپنی رت دے دیوے بالے نیں

آ جا تینوں کھول کتاب گناواں میں
ہجر تیرے وچ کِنّے دکھڑے جالے نیں

دوکھا سی اوہ جس نوں منزل جاتا میں
یار جوانی دے دن ایویں گالے نیں

اوہناں ناگاں نے ای فلک نوں ڈنگیا اے
چُلیا دُدھ پیا کے جیہڑے پالے نیں

حوالہ: سوچاں دی بُکل، صفحہ 40 ( ویکھو )