دُنیاداری

کیہ شر دے پلیوں لبھنا ایں
دانے عیبی فصلوں چبنا ایں

چھڈ چسکا دنیا داری دا
لاہ چولا جوٹھ مکاری دا
ایویں در در دو گڑاں منگنا ایں

کیہ شر دے پلیوں لبھنا ایں

گل منکے تسبیاں پڑھنا ایں
کیوں مُکر فریباں کرناایں
ڈھڈوں ناواں شر دا جھپنا ایں

کیہ شر دے پلیوں لبھنا ایں

جگ دو دو ہتھ پیا کہندا اے
سدا کوئی نہیں ایتھے رہندا اے
ایویں پٹھیاں چھالاں ٹپنا ایں

کیہ شر دے پلیوں لبھنا ایں

لا جیوڑا مرشد سائیاں سنگ
مُڑ ویکھ لے سوہنے رب دے رنگ
اُوہا رنگ تیرے تے پھبھنا ایں

کیہ شر دے پلیوں لبھنا ایں