لاوا

پڑھ پڑھ مسئلے ہویں پھاوا
کڈ نہ سکیوں میں دا لاوا
قرشی ! شوہ دی کردا شاوا

لوکاں آکھیں وڈھ میں عالم
جیبوں کولا ڈھڈوں ظالم
خیریں دو گڑاں راس نہ تینوں
بھائے تینوں شر ورتاوا
قرشی ! شوہ دی ازلیں شاوا

تیرے پاروں خیر کسے نہ
پھائیاں لاویں ہر کسے تاں
چڑھدے سورج کریں سلاماں
دو پل موجاں تت پچھتاوا
قرشی! شوہ دا جوت پتاوا

نیکو کاراں سانجھ نہ کوئی
ٹھگ ٹھگوریاں سنگ اشنائی
کھٹ دا جاویں قہر خدائی
کوڑ کلالیں رند بڈاوا
قرشی! شوہ دے بول حلاوا

غیبت کر کر ماریں چھالاں
پنڈا کھاویں بھین بھراواں
ٹپ دا جویں عبیں کھالاں
شر دی شر دوں ہوویں چھلاوا
قرشی ! شوہ نوں دے بلاوا

بے زر مٹیوں اک توں باوا
قرشی! شوہ دی ہر پل شاوا