گل سُن چپنا
راج لیا اپنا
وڈیاں وڈیریاں دا
ظالماں لٹیریاں دا
چھڈ ناں جپنا
گل سُن چپنا!
راج لیا اپنا
گورے چِٹّے صاباں کولوں
کالیاں نواباں کولوں
بچ ایہناں عذاباں کولوں
نئیں تاں تینوں مُدّتاں
پوے گا کلپنا
گل سُن چپنا
راج لیا اپنا
سراں دیاں پوتیاں نے
پوتیاں پڑوتیاں نے
ریگناں دے طوطیاں نے
کجھ تینوں دِتٗا وی
اینّویں پیا ٹپنا
گل سُن چپنا
راج لیا اپنا
بنّدے نہیں ایہہ پیار دے
اینّویں تینوں چار دے
جُھوٹ پئے مار دے
ہوش کر پاگلا
چل، پا، کھپ نا
گل سن چپنا
راج لیا اپنا
حوالہ: رات کلیہنی، حبیب جالب؛ جالب پبلی کیشنز کراچی؛ صفحہ 69 ( ویکھو )
