میں کتنا کو تیرے حصے آؤندا ہاں
تیرے
اس سوال دا
حال دی گھڑی
میرے کول کوئی اُتر نہیں

اجے تاں میں
اپنے آپے دی تقسیم کرنی ہے
امبر نے اپنا حصہ منگنا ہے
ہوا نے اپنا
کیہڑی اگن نے
کِنا ساڑنا ہے مینوں

کیہڑے پانیاں نے کنا کھورنا
اجے کیہ پتا اے مینوں
رشتیاں نے اپنے حصے دا دعویٰ کرنا ہے
دوستاں ونڈ لینا ہے
تھوڑا تھوڑا
اپنی شدت مطابق
ایویں تھوڑا جیہا میرا حصہ
سڑکاں تے بکھرنا ہے
راکھ وانگوں
سورج
چن
تارے
آپو اپنا حصہ منگن گے سارے
اس تقسیم چوں میں
کنا کو بچ سکاں گا
کون جاندا ہے
اجے تاں میں
انیک فلسفیاں دا قرضی ہاں

ان گنت اصولاں دا دین دار
ہاں اینا جاندا ہاں
جِناں چر
تیرے کول ہوندا ہاں
جِنے کُو پل چھن
سارا دا سارا
تیرا ہوندا اے
اودوں
منفی ہو جاندی ہے
کل کائنات
توں سالم ثبوتی
کائنات ہو جانی ہیں

میں تیری گود وچ
ارپ دیندا ہاں
اپنا کھنڈ یا آپا
اودوں میں صرف تیرا ہوندا ہاں

تے حال دی گھڑی
تیرے ایس سوال دا
میرے کول بس ایہی اُتر ہے

حوالہ: سمندر بُلاؤندا ہے؛ ( ویکھو )