ساڈے نین تِڑک پئے کورے

اقبال قیصر

بُھکھیاں رُتّاں وچ کنکاں گڈیاں
ساڈے لگ گئے نال تراپے
عُمراں دے کُھوہ اَت ڈُونگھیرے
اَساں نال سَاہواں دے ناپے
بگیاں رُتّاں نے سانوں جمیا
ساڈے لیکھ لکھیجے لاکھے
جمن رُتّ توں وِچھڑن رُتّ تک
سانوں ہان کوئی نہ آکھے
جد محرم اساں چیتر رُتّے
نال شریکاں توڑے
ساڈے نین تِڑک پئے کورے
ساڈے نین تِڑک پئے کورے

دوجی لِپی وچ پڑھو

Roman    ਗੁਰਮੁਖੀ   

اقبال قیصر دی ہور شاعری