دلبر دے وچھوڑے اندر، اجے رہیا میں زندہ
ایس گناہوں آخر توڑی، سدا رِہاں شرمندہ
اک واری دیدار نہ ڈِٹھا، لئے پیار نہ مُونہوں
توڑے طلب اوسے دی اندر، ہوچکا بے جِندا
گھر تیرے کئیں نوکر چاکر، در تیرے سے کُتےّ
نفراں دا میں گولا سجنا!، کُتیاں دا پھر بندہ
درد فراق تیرے دی لذت، جس دن دی میں چَکھی
خوشیاں کر دی ویکھ لوکائی، من وچ آوے خندہ
زیور زیب پوشاکی توڑے ناہیں بادشہانے
گودڑیاں سروپا اسانوں، ایہو لباس پسندہ
چاہ میری پئی چاہ محمد، گل میری گل گئی آ
من لئے میں بول سجن دے، جے لکھ آکھے مندا
