موڈھے اُتے بھار ناں دیوے

محمد صابر

موڈھے اُتے بھار ناں دیوے
سِر سانوں سرکار ناں دیوے

پھٹ خدا نیں دتے سانوں
پھٹاں نوں پرکار ناں دیوے

بھولا نال رلائی پھرنایں
بھولا تینوں مار ناں دیوے

ہن ڈبن دی چس آئی اے
ڈبن مینوں تار ناں دیوے

کلہے نوں سمجھائیں قاصد
ویکھیں گل کھلار ناں دیوے

شرطاں لائی پھردا سوہنا
سوہنا مینوں ہار نوں دیوے

ڈورا ہو کے سُن دا رہندا
صابر بولے ٹھار ناں دیوے؟

دوجی لِپی وچ پڑھو

Roman    ਗੁਰਮੁਖੀ   

محمد صابر دی ہور شاعری