بندہ جے کر بُھلے نہ اوقاتاں نوں
اُکا فرق نہیں پیندا فیر حالاتاں نوں
اُچ اُڈاری کونجاں وانگ جو لاندے نیں
آخر روندے ویکھے اوہ باراتاں نوں
اوہناں باغاں وچ اوہ ای مسکاندے نیں
ویکھ نشیلے نین نالے صفاتاں نوں
چن نہیں لُکیا رہندا کدے پہاڑاں وچ
پرکھ جاندے نیں سیانے گلاں باتاں نوں
جوبن آندا اے اک وار جوانی تے
عشق نہیں پچھدا نیویاں ذاتاں پاتاں نوں
خواباں دے وچ ملدے یوسف اس طرح
آس دے بیڑے لے ڈبن سوغاتاں نوں
