میرے سجن نوں میرے اُتے بڑا مان اے

میرے سجن نوں میرے اُتے بڑا مان اے
ایہہ تے رب دی مہربانی نالے احسان اے

ایہہ میرے لئی محبت دا اثاثہ ہے دوستو
ساڈے قول قراراں اُتے رب مہربان اے

یاراں دے گلدستے وچ خار کدی نہیں ہوئے
میں ادنی جیہا بندہ جان کراں قربان اے

دو گھڑیاں دی جُدائی وی نہیں برداشت ہُندی
کھڑا اڈیکاں راہواں اُتے ایہہ میری پہچان اے

ایہہ چمن آباد رہوے نالے پھلدا رہوے مولا
حوصلہ مند جِند جمانی، ایہہ خدا دی شان اے

دید بِن گزارا نہیں نہ ہی سکون ہے دل نوں
ایہناں دا پرچھاواں ڈِٹھیاں میرے لئے ارمان اے

اوہ ویلا نہیں وکھائیں ربا پرایا ہوون والا
پیار دے جذبے ویکھے دنیا ساڈے ول دھیان اے

دل دیاں خوشیاں وار دیویں یوسف ایہناں تے
دوہیں جہانیں صلہ ملے ایہہ میرا ایمان اے

محمد یوسف دی ہور شاعری

• ⟩  اداسی دل چ بیٹھا کے سوچاں سوچدا رہنا
• ⟩  ایہہ گھر میرا گھر نہیں لگدا
• ⟩  بندہ جے کر بُھلے نہ اوقاتاں نوں
• ⟩  بِن خوفوں جیہڑا جابر اگے مونہہ کھولے گا
• ⟩  بیری نوں ہر تھاں روڑے وجدے دیکھے نیں
• ⟩  تاڑی مار اُڈانا کیوں سانوں چاہندے او
• ⟩  خورے کیہڑے جد دا ویر کمایا جگ نے
• ⟩  زمانے دیاں کیتیاں وفاواں سبھے یاد نیں
• ⟩  زمین پاک ایہنوں پاک رہن دیو
• ⟩  شرارت ہُن کسے دی چلن نہیں دیاں گے
• ⟩  محمد یوسف دی ساری شاعری