زمین پاک ایہنوں پاک رہن دیو
خدا واسطے آرام نال بہن دیو
ساڈے دُکھاں دا مداوا کون کرے گا
سانوں وی دل دی گل کہن دیو
ہور غماں وچ پاؤ نہ سانوں
رحم دی وی کوئی نظر پین دیو
بمباں دے نال آبادی نہیں مُکنی
جوان پُتر ماواں دے نہ ڈھین دیو
غریباں نوں آٹے نے پہلے مار سُٹیا
بجلی نال نہ ایہناں نوں کھیہن دیو
تہاڈے اگے آرزو عوام دی ایہو
سانوں پہلے دُکھڑے اجے سہن دیو
ایٹم دی طاقت تہاڈے کول یوسف
ہُن تے یہودی مگروں لہن دیو
