کھوہ لاں جے تاں کھوہیاں ہوئیاں چھانواں نیں
میریاں اپنیاں ٹوہیاں ہوئیاں چھانواں نیں
اِس جنگل چوں ہَس ہَس کے نہ لگھیا کر
ایتھے سبھ دیاں موئیاں ہویاں چھانواں نیں
ایہہ کوئی ڈِگے ٹاہن لدیج کے نہیں آئے
ایہہ تاں وَڈھ کے ڈھوئیاں ہوئیاں چھانواں نیں
سائیاں آلے رکھ اِنہانوں ویندھے نیں
جیہڑیاں آپے ہوئیاں ہوئیاں چھانواں نیں
سورج ایویں مینوں ساہنواں نہیں ہویا
اس کوئی منگِریں لکوئیاں ہوئیاں چھانواں نیں
ہر اک لَگَر نوں گانا بَجھ گیا پَتراں دا
ہاراں وانگ پروئیاں ہوئیاں چھانواں نیں
جھکھڑاں وچ کئی تھُڑک گئے چُوکنے رُکھاں دے
کوہیاں موئیاں روئیاں ہوئیاں چھانواں نیں
