چر ساڈے باغاں وِچ ہرنا

مشتاق صوفی

چر ساڈے باغاں وِچ ہرنا

سانوں قسم تیری مستی دی
ہتھ نہیں تیں ول کرنا
چر ساڈے باغاں وِچ ہرنا

اتوں تَیں نال ہسناں
اندروں کالا ویلا جَرنا
چر ساڈے باغاں وِچ ہرنا

سانول خشبو پِچھے بھج بھج
ریتاں اندر مرنا
چر ساڈے باغاں وِچ ہرنا

جاگن ویلے ڈُبدیاں جانا
نیندر دے وِچ تَرنا
چر ساڈے باغاں وِچ ہرنا

Read this poem in Roman or ਗੁਰਮੁਖੀ

مشتاق صوفی دی ہور شاعری