زیتون دی پتی

موت دیاں
انھیاں واجاں سُندیاں
جدوں چالی دن بیت گئے

اوہنے ہنیرے پانیاں اندروں
بیڑی وچوں، چِٹا کبوتر
اسماناں ول ہتھ ودھا کے چھڈیا

شام پئی
تے بیری اُتے
اک گرجھ
منڈلاندی پئی سی

جد دی چنج وچوں
زمانیاں دا لہو
تُبکا تُبکا
بیڑی دے ہونٹھاں دے اُتے
ڈِگ رہیا سی

لہو وچ رنگی چنج دے اندر
زیتون دی پتی
کنب رہی سی
دھرتی اُتے چالی دن نئیں
چالی ورھے نئیں
چالی ہزار ورھے بیت گئے سن

پھر دو تبکے
لہو دے
زیتون دی کھنب دی پتی اُتوں
ہوندے ہوئے
نوح دیاں دوہاں اکھیاں اندر ڈِگے

تے اوہنے طوفانی لہراں وانگوں
ہنیرے پانیاں اندر
اپنی بیڑی تختہ تختہ کر چھڈی