بندہ لبھدا پھردائے ہور جہان کوئی
ربّا تیتھوں کھس جانائے اسمان کوئی
سرگھی ویلے آ کے رات کھلو گئی اے
ایویں کاہنوں دیندا پیا اے اذان کوئی
اپنے آل دوالے چانن کر رکھو
حالے رات ڈھلن دا نہیں امکان کوئی
دل وچ رہندیا ربا! ذرا خیال کریں
تیرے ڈیرے آ وسیا اے انسان کوئی
جیہڑا اکھاں پھیر کے ایدھروں لنگھیا اے
نہیں نہیں، میری تے نہیں جان پچھان کوئی
اوہ سی ٹپری واس ، کرائے دار آں میں
اوہدا گھر نہ میرا اک مکان کوئی
