سدا حیاتی رہی نشانیوں کھوٹی میری
اِک وی شاد نہ پُگّی سدّھر گوٹی میری
سُرت کدوں سی تیرے وچھڑن دا غم کردا
اپنے آپ توں ٹُٹ چُکی سی جوٹی میری
بھری جوانی اندر اپنی بانہہ تڑوا لئی
مینوں گُھور دی رہندی اے ہُن سوٹی میری
کوئی گل تے میں ہُن وی سہمیا رہناں
نِکّا ساں تے کاں کھوہ لئی سی روٹی میری
دھاراں لاہن تے آئی لویری تیرے حصے
ایس بیلے وچ پٹھے کھانی جھوٹی میری
لنگڑا جیہا وسیب آں کد تک چلّاں گا میں
اُتوں شاد وساکھی وی اے چھوٹی میری
