پچھدی اے
توں کیہ کیتا
میں چالہیں دینہ چِلّے کَٹّے
گلیاں گلیاں مٹّی چھانی
بندے بندے ٹھوکر ماری
فر جا کے جینا سکھیا
پچھدا اے
توں کیہ کیتا
میں چالہیں دینہ چِھلّے کٹّے
تینوں جمیا ، پیڑاں کَٹیاں
گھر کم کیتے ، نالے طعنے پیتے
پہلے دھوکھہ سی کہ دھی رانی واں
فر سنیا کہ بندے دی ملکہ واں
فر لگیا کہ پتّر دی مالک واں
ہن پچھلی عمر پتہ اے لگیا
نہ کوئی میرا گھر ، نہ در تے نہ ذر
پر سارے رشتے جوڑن والی میں آں
ایس دھرتھی دے ہر بندے دی خالق میں آں
پچھدی اے
توں کیہ کیتا
(کسے نوں دسیں نہ)
میں جس جا توں جمیاں
اوتھے ای آں اج تک پھسیاں
ویکھ لے سن کے میریاں گالھاں
ہر دے وچ رنّاں نوں پُنیاں
ویکھ لے چک کے میرے دوہڑے
جیہڑے لہو توں جمیاں
اوہنوں ای پلیتی منیا
آپ نوں بس میں پاکی سدیا
پاور نوں رب منیا
پچھدا ایہ
توں کیہ کیتا
(چپ ریندی ایہ )
ہولا جیہا کیندی ایہ
تینوں کَجیا !!
