ادھی راتیں ویلے نوں پیڑ ہوئی
مر جانیاں اکھاں نیں
اک سفنا ویکھ لیا
۔
میرے تے ساہ ای پتھر ہوگئے
او میری بھکھ چوری کرکے لے گیا
میری تریہہ دے سارے بھانڈے ٹٹ گئے
جیہدے لئی وی روئی
اوسے نے میری چنی دا رسا بنایا
تے میرے خواباں نوں پھاہے لادتا
میرے لہو دیاں اکھاں کالیاں ہوئیاں
دل وچ جندرے اگن لگ پئے
چابیاں لبھدے لبھدے
پنڈے دی ول تے کنڈے لگ گئے
۔
چیتر آیا
تے میں پنڈا جھاڑ کے
ہر کنڈےا تے اپنا پھل آپ اگایا
