دِل کہندا اے چناں مَیں تیری آں
دِل کہندا اے چناں مَیں تیری آں
اکھیاں وچ رہنا ایں نالے دِل وچ وسناں ایں
ہولی ہولی پلکاں دے اوہلے اوہلے ہسناں ایں
دِل کہندا اے چناں مَیں تیری آں
توں رُس جاناں ایں جہان رُس جاندا اے
بیبا میرا دین تے ایمان رُس جاندا اے
پھل مینوں لگدے نیں خاراں دیاں ڈھیریاں
دِل کہندا اے چناں مَیں تیری آں
کلے بہہ کے پاؤنیاں مَیں تیری بجھارتاں
پیار دیاں جگ کولوں لے لے توں شہادتاں
ہولی ہولی کردے نیں لوکی گلاں میریاں
دِل کہندا اے چناں مَیں تیری آں
دِل کہندا اے چناں میں تیری آں
حوالہ: کلیاتِ ساغر، ساغر صدیقی؛ دُعا پبلی کیشنز، صفحہ 282 ( ویکھو )
