مینوں ڈنڈیاں کڑھا کے دے گیا
نی منڈا ماجھے دا
مینوں ڈنڈیاں کڑا کے دے گیا
اکھیاں وچ پیار دیاں پیندیاں کہانیاں
لمیاں اڈیکاں نالے گھجیاں نشانیاں
ہائے سارے جگ توں لکا کے دیا گیا
نی منڈا ماجھے دا
مینوں ڈنڈیاں کڑا کے دے گیا
آس لگاون ٹھنڈیاں چھاواں
چھم چھم روواں نالے ہس ہس گاواں
دِل دِل نوں وٹا کے دے گیا
نی منڈا ماجھے دا
مینوں ڈنڈیاں کڑھا کے دے گیا
لٹیا زمانے میرا سدھراں دا بھاگ نی
پلکاں دے تار اتے ہنجواں دے راگ نی
غم اپنا بنا کے دے گیا
نی منڈا ماجھے دا
مینوں ڈنڈیاں کڑا کے دے گیا
حوالہ: کلیاتِ ساغر، ساغر صدیقی؛ دُعا پبلی کیشنز، صفحہ 279 ( ویکھو )
