توں کون

ایہہ پیسے منگدا اے
تے دے دیو ایہدی مزدوری
گورنمنٹ دا ملازم اے
فیر کاہدے پیسے؟
گڑ وچوں نکلیا بندہ
چٹے لیڑے پائے، لوکاں ول ویکھدا اے
پرے ہو کے کھلو
ڈاڈھی بو پئی آندی اے
توں کون ایں!
کیہ تیرا لہو رتا اے
کیہ تیرا ماس منکھ ورگا اے
تیرا نک، کن، بلھ، اکھیاں
ساڈے وانگ کھلیاں نیں
دماغ تے دل وی ہیگا
توں ساڈے جثیاں دی گندھ
وچ وڑ ستھرائیاں کردا
کئی وار اپنے ساہواں توں ہردا
وے پرانہہ ہو کے کھلو
نک تے لیڑا رکھ صاف تن بولے
ایہنوں کجھ نہ دینا گورنمنٹ دا ملازم اے
توں کون ایں؟
تینوں ہتھ لا ویکھاں
توں ساہ لیندا ایں
توں سُن سکدا اے
توں بول سکدا اے

صاحب جی صابن دے دیو
تن دھون لئی
توں تن دی میل ، صابن دھو فارغ تھیا
اساں من دیاں میلاں کیویں صاف کراں گے
تیری مسک سوال چھڈ گئی