رشتہ

میں تیرے اتھرُو دا سنگ سجنڑاں
تے سنگ سجنڑاں
اسی رُلے آں
ہزار سوچاں دِی راہ تھکیاں نیں رَل کے اَکھاں

میں تیرے ہَتھ دی لکیر اَڑیئا
تے سب نے پڑھیا
تُوں جانڑدا ایں
کسی دے مَنیئاں نہ مَنیئاں رِشتہ کدے نئیں ٹُٹیئا

میں تیرے ویلے دِی راہ پیارے
تے خواب سارے
میں تیرے ویکھاں
تے ہَس کے سہہ لینداں چنگے مندے وِی بول سارے

میں تیری دُنیا دا جُھوٹ سجنڑاں
تے میں نئیں چلنڑاں
بَس اینی گل اے
نہ کجھ میں تیرانہ میرا رشتہ نہ نال رہنڑاں

میں اپنڑیں اتھرُو دا رنگ سجنڑاں
تے سنگ سجنڑاں
میں اَپنڑِیں چُپ دے
اِکَلھا سوچاں دِی راہ جاگاں اِکَلھے تھکَنڑاں