مِٹی دیئا سجنڑاں! وے اَکھ تیری کچ دی
دھُوڑ نہ غماں دِی کج لئے
مٹی دیئا سجنڑاں وے ہنُجو تیرے کچ دے
ٹُٹ کے نہ چُبھ ہی کُھبے
مِٹی دیئا سجنڑاں وے ساہ تیرے کچ دے
ہولی ہولی لنگھدے سمے
مٹی دیئا سجنڑاں وے ہونٹھ تیرے کچ دے
لفظاں دے پُھل توں کِھڑے
مِٹی دیئا سجنڑاں وے کچ دا مِزاج ساڈا
نِکی نِکی گَل توں دُکھے
مِٹی دیئا سجنڑاں وے کچ نال ٹکرا کے
کچ ہوئے چُور ٹُکڑے
مِٹی دیئا سجنڑاں وے مِٹی تیری کچ دی
پتھراں چ آکے وَس پئے
مِٹی دیئا سجنڑاں وے سید آکھے کچ نُوں
پتھراں دِی عُمر لگے
حوالہ: ادھ کِھڑیئا؛ صفحہ 14 ( ویکھو )
