ورقے کالے کر کر پاڑی جاندے او

ورقے کالے کر کر پاڑی جاندے او
رَت جگر دی کاہنوں ساڑی جاندے او

ہُن اس گھر وچ کدی کسے نے نہیں آؤنا
کیوں چیزاں تے مٹی جھاڑی جاندے او

باغے دی رکھوالی دے لئی آئے سو
کاہنوں فیر ایہ باغ اُجاڑی جاندے او

ہور کسے دے نال تہاڈی نہیں بندی
اُتوں ساڈے نال وگاڑی جاندے او

جہدی جیہڑی تھاں اے اوتھے رہن دیو
کیوں ہر اک نوں دل چہ واڑی جاندے او

اک دن میرے دل نیں پُچھیا طلحہ جی
کیوں ریجھاں نُوں سینے تاڑی جاندے او