طلحہ بن سہیل

طلحہ بن سہیل 25 اگست 1998 نوں اپنے ننھیال شہر چشتیاں ضلع بہاولنگر چہ پیدا ہوئے۔ آپ دا تعلق اک علمی ادبی خاندان نال ہے، آپ دے دادا جی حکیم عبد الرحمن علوی معروف نباض حکیم تے سماجی شخصیت سن جہناں دا مطب اج وی اوہناں دے چک جنڈ والا چہ موجود ہے جتھے آپ دے والد حکیم سہیل امجد تے آپ دے چاچا حکیم سجاد الحق ظفر طبی خدمات سرانجام دے رہے نیں۔ آپ دے نا ناجی پروفیسر حسین احمد علوی عالم دین ، صوفی شاعر تے چشتیاں کالج چہ بطور عربی دے پروفیسر اپنے فرائض سرانجام دیندے رہے۔ آپ دے تایا جی حکیم جمیل اصغر تاریخ چشتیاں سمیت کئی کتاباں دے مصنف نیں۔ علم و حکمت ایہناں دے خاندان چ نسل در نسل چلی آ رہی ہے جہنوں ایہ اپنے جد امجد حضرت علی کرم اللہ وجہہ دی نسبت دا فیض جان دے نیں۔ آپ دے والد حکیم سہیل امجد بچیاں دی تعلیم پاروں بہاولنگر شہر ہجرت کر آئے سن طلحہ بن سہیل نے اپنی ابتدائی تعلیم بہاولنگر توں ہی حاصل کیتی تے اج وی او تھے ہی رہائش پذیر نیں۔ دل درگاه طلحہ بن سہیل دا پہلا شعری پراگا ہے۔