جُثیاں اُتے نیل پئے نے، روحاں اندر کھڈے
مویاں دے دُکھ بُھلّ جاندے نے، دھرتی دے دُکھ وڈے
دھرم چھڑی نے میرے دیش دی، ہِکّ تے لیکر پا کے،
سارے وسنیکاں دے جثے، لہو لہو کر چھڈے
اس دنیاں وچّ دِنے دوپہرے، عجب تماشہ ہویا،
گھر دے مالک گھر وچّ آ کے، لوکاں گھراں 'چوں کڈھے
خورے نظر کِنّاں دی کھا گئی، ہسدے وسدے گھر نوں،
ویہڑے وچّ کھلو کے بھائیاں، بھائیاں دے گل وڈھے
سڑدے بلدے ماروتھل وچّ، خورے کی سی جادو،
لوکاں ریت چ گھر پاون لئی، محل منارے چھڈے
طارق سمے توں باغی ہویا، ایہہ گل جاندا بُجھدا،
جیہڑے ویلے دے نال چلے، اوہو سبھ توں وڈے
