رُکھ دا اپنا تے خیر کجھ وی نئیں
جو کجھ وی اے مِٹی دا اے
جِدا سَت پی کے
رُکھ نے چھاں جمی
مٹی دا اپنا تے خیر کجھ وی نئیں
جو کجھ وی اے
اسمان دا اے
جِدی دُھپ تے مینہہ چوس کے
مِٹی نے رُکھ جمے
اسمان دا اپنا تے خیر کجھ وی نئیں
جو کجھ وی اے، سَمے دا اے
سمے!
جو ہِک دھماکے دی جم اے
اوہدا اپنا وی کیہ اے؟
دھماکہ جو ہک پل پِچھوں ہوندا
تدوں
اسمان میری جُتی تلے ہونا سی
تے زمی میرے سِر اُتے
فیر جو کجھ وی ہوندا، میرے کلے دا ہوندا
کلے آدم دا ہوندا
حوالہ: چن دی مِٹی؛ سانجھ؛ صفحہ 89