ڈوگر جٹ ایمان نوں ویچ کھاندے
دِھیاں مار دے تے پاڑ لاؤندے جے
ترک قول حدیث دے نِت کر دے
چوری یاریاں بیاج کماؤندے جے
جیہے آپ تھیون تہئیاں عورتاں نیں
بیٹے بیٹیاں چوریاں لاؤندے جے
جیہڑا چور تے راہزن ہووے کوئی
اوسدی وڈی تعریف سناؤندے جے
جیہڑا پڑھے نماز حلال کھائے
اوہنوں میہنا متقی لاؤندے جے
مونہوں آکھ کڑمائیاں کھوہ لیندے
ویکھو رب تے موت بھلاؤندے جے
وارثؔ شاہ میاں دو دو خصم دیندے
نال بیٹیاں ویر کماؤندے جے
