چکی ہانیاں وچ وچار پوندی
ایہہ دی دُھم تنور تے بھٹھ ہے نی
کم ذات کپتڑا ڈھیڈ بینڈا
ڈبی پورے دے نال دی چٹھ ہے نی
بھیڑوکار گھو ٹھا ٹھگ ماجھڑے دا
جیندا رن یرولی دا ہٹھ ہے نی
منگ کھانے حرام مشٹنڈیاں نوں
وڈا سار ہشدھات دی لٹھ ہے نی
مشٹنڈڑے ترت پچھان لئی دے
کم ڈاہ دیو ایہہ بھی جٹ ہے نی
ایہہ جٹ ہے پر جھگا پٹ ہے نی
ایہہ چودھری چوڑ چوپٹ ہے نی
گدوں لدیاسنیا ایہہ چھٹ ہے نی
بھاویں ویلنے دی ایہہ لٹھ ہے نی
وارثؔ شاہ نہ ایس تھے رسا مٹھا
١یہہ تاں کاٹھے کماد دی گٹھ ہے نی
