بھابی اِک دِھروں لڑے فقیر سانوں
توں بھی جند کڈھیں نال گھوریاں دے
جے تاں ہنگ دے نرخ دی خبر ناہیں
کاہ پچھئے بھاء کستوریاں دے
اِنہاں جوگیاں دے نہیں وس کائی
کیتے رزق نے واعدے دوریاں دے
جے تاں پٹ پڑاؤنا نہ ہووے
کاہ کھہن کیجن نال بھوریاں دے
جان سہتیے فقرنی ناگ کالے
ملے حق کمائیاں پوریاں دے
کوئی دے بددعا تے کال سُٹے
پچھوں فائدے کیہ انہاں جھوریاں دے
لچھُو لچھُو کر دی پھریں نال فقراں
لُچ چالڑے انہاں لنگوریاں دے
وارث شاہ فقیر دی رن ویرن
جیویں ویری نیں مرگ انگوریاں دے
