بھائیاں جائی کے ہیر نُوں گھریں آندا
رانجھا نال ہی گھریں منگایو نیں
لاہ مُندراں جٹاں مُنا سٹیاں
سر سوہنی پَگ بنھایو نیں
کھن گھت اُتے کھنڈ دُدھ چاول
اگے رکھ کے پلنگ بہایو نیں
یعقوب ؑ دے پیارڑ ے پت وانگوں
کڈھ کھوہ تھیں تخت بہایو نیں
جابھائیاں دی جَنج جوڑ لیاویں
اندر واڑ کے بہت سمجھایو نیں
نال دے لاگی خوشی ہو سبھناں طرف
گھراں دے اوس پہنچایو نیں
بھائی چارے نوں میل بہایو نیں
سبھو حال احوال سنایو نیں
وارثؔ شاہ ایہہ قُدرتاں رب دیاں نیں
ویکھ نواں پکھنڈ رچائیو نیں
