اک خواب

اِک انوکھا خواب میں تکیا
اوہدے وِچ میں ماں نوں تکیا

روپ اجیہا تک کے رہ گئی
روپ نورانی تک کے رہ گئی

جیویں کوئی خوشبو دا جھونکا
کول سی میرے مہکا مہکا

جیویں بارش دے کجھ قطرے
صاف شفاف تے شیشے ورگے

جیویں پتھراں دے وِچ کوئی
پُھل سی کوئی چھوہی موئی

جیویں پاک مزار دے پردے
جیویں زم زم کوزہ چھلکے

جیویں چن توں اوہلے اوہلے
تاریاں اندر جگنو بولے

جیویں ہُما اَسماناں اُتّے
لیکھ جگائے سُتے سُتے