مرثیہ

اج وی شام دیاں راہواں دے
اوہ پتھر وین کریندے نیں

پاک بدن دے زخماں نوں
چُم چُم کے کُرلاندے نیں

اج وی شام زنداں وِچ
اک بی بی وین کریندی اے

سجاد دے زخمی پیراں دے
زیور دی آواز سُنیندی اے

اج وی ہر مجلس دے وِچ
عباس دے پہرے ہوندے نیں

ہُن وی ہر مسجد دے وچ
اکبر دی واج سُنیندی اے

ہُن وی نہر فرات دا پانی
اتھرو بن بن رُڑھدا اے

عباس دِیاں کٹیاں باہواں دا
رو رو حال سُنیندا اے

اج وی شاماں کربل دِیاں
وال کھلاری روندیاں نیں

واواں لال ہنیریاں بن کے
آپنے آپ کوں جھلدیاں نیں

ڈینہہ دسویں دے پاک محمدﷺ
کوثر توں اُٹھ جاندے نیں

کالے کپڑے پاندے نیں
دِھی نوں گل نال لاندے نیں