ساڈے انگ تریڑاں پئیاں

وے بابل ساکُوں نیند نہ پوندی
اتے دُکھن اکھیں دے کوئے
یاد سرھانے کراں سیاپے
سجن جدوں دے موئے
موئے سجن تے چیتر رُسیا
وِسر بہاراں گئیاں
ساڈے انگ تریڑاں پئیاں
ساڈے انگ تریڑاں پئیاں

ہجر دا وٹنا پِیڑ دا بانا
کُھوہ نیناں دا جوء کے
رکھ ساہویں تیری یاد نُوں بیٹھے
چاننیاں وِچ دھوکے
اساں تاں جُگ جُگ ہجر ہنڈایا
اُس پرت نہ ساراں لئیاں
ساڈے انگ تریڑاں پئیاں

چِیکنی مِٹی ویاہ لے جاندے
جو کلّراں دے جائے
کالے کاگ پین سروور
ہنس رہن تریہائے
ندیوں پار سوداگر ٹُر گئے
اسیں بیٹھ پتن تے رہیاں
ساڈے انگ تریڑاں پئیاں