ہر ویلے لکھ لکھ وار میری توبہ

ہر ویلے لکھ لکھ وار میری توبہ

فعلوں، وصفوں، اسموں توبہ
نفسوں، روحوں، جسموں توبہ
توبہ دی ہر قسموں میری توبہ

جے تئیں ترک نہ تھیوے ساہوں
محض محال چھٹن گناہوں
دلڑی بُھل نہ سدھے راہوں
کر استغفار، میری توبہ

نفس تے شیطان شور کیتوسے
شہوت حرص دا زور پیوسے
چوریں دے سر چور تھیوسے
جاریں دے سر جار، میری توبہ

ہک ہا، ہک ہوسی، ہُن ہک ہے
بیا کُل زاہق تے ہالک ہے
فرض حقیقی ہک دی سک ہے
بٹھ پئے دو، ترے، چار، میری توبہ

عاقل محمد جوگی دی ہور شاعری

• ⟩  حق ہے باقی، بیا کُل فانی
• ⟩  حق ہے، حق ہے، حق ہے
• ⟩  دل نقطہ نور قدم دا اے
• ⟩  دن رین دل مخمور وے
• ⟩  رُٹھڑا رانجھن یار نی
• ⟩  سدا نال اساڈڑے وس وے
• ⟩  سو بھید پرم دا سمجھ لیوسے
• ⟩  عشق دِتا اعلام
• ⟩  عشق دی ساری شان
• ⟩  لڑدے لکھ لکھ وار، غمزے جادوگر دے
• ⟩  عاقل محمد جوگی دی ساری شاعری