جے میں دُدھ رِڑکاں
تیری یاد آوے
آکے کرے چُہلاں
ہُن دَس مینوں
تینوں یاد کراں کہ میں دُدھ رِڑکاں
جے میں پاواں پُونی
تیری یاد آوے
کِھچ ہووے دُونی
ہُن دَس مینوں
تینوں یاد کرا کہ میں پاواں پُونی
جے میں گیت گاواں
تیری یاد آوے
گیت بنے ہاواں
ہُن دَس مینوں
وے میں گیت گاواں کہ میں بھراں ہاواں
جے میں چُپ رہواں
تیری یاد آوے
گُجّھے دُکھ سہواں
ہن دس مینوں
وے مَیں چُپ رہواں کہ مَیں دُکھ سہواں
وے میں رِڑکدی ساں
وے میں کَتدی ساں
وے میں گاوندی ساں
وے میں چُپ وی ساں
تیری یاد آئی
تیری یاد سی بَھلیا ماہیا وے پر اوہ تُوں نئیں سَیں
حوالہ: ترنجن ( ویکھو )
