جد تکّ راہیاں نے نہیں کرنی، کوئی صورت ایکے دی
اودوں تیکر جڑ نہیں سکنی، کندھ کوئی وی رشتے دی
جتھے ظلم روایت بن جائے، سدا ای رات ہنھیری رہے
راکھے ہی جے سنّھاں لاون، کاہدی گلّ اُلاہمیں دی
اپنے پیو دے مگروں اپنا بچپن کیکن کٹیا سی
مینوں کی کجھّ یاد کرا گئی، ایہہ گلّ اپنے بچے دی
اجّ وچھڑن دی سال گرہ اے، وائے وچھڑن والے نوں
لیر کوئی جاں تحفہ دیویں، ساڈے پاٹے گلمیں دی
کلّر کھادی دھرتی عاطف کرماں مارے بندے نیں
ایس توں ودھّ بد بختی ہوسی، کی پنجاب دے خطے دی
